Ufunguzi Maadhimisho ya Wiki ya Sababa Pawaga Iringa

Sikukuu ya Sabasaba, inayojulikana pia kama Saba Saba Day, ni sikukuu ya kitaifa nchini Tanzania inayoadhimishwa kila mwaka tarehe 7 Julai.

Sikukuu ya Sabasaba imekuwa muhimu katika kuimarisha umoja na mshikamano wa Watanzania na kuadhimisha historia ya taifa. Pia, inatoa fursa kwa wafanyabiashara na wajasiriamali kuonyesha bidhaa na huduma zao na kujenga uhusiano na wateja wapya.

Kwa mkoa wa Iringa sikukuu hii inaadhimishwa katika kijiji cha Pawaga ambapo mradi wa fahari yetu Tanzania na Makumbusho ya Mkoa Iringa Boma wamedhamini Mashindano ya ngoma za Asili na kutoa zawadi za jezi kwa washiriki waliyofanikiwa kuingia hatua ya robo fainali katikla michuano ya sababa.

Akizungumza na wananchi Mkuu wa wilaya wa Iringa amabaye alikuwa mgeni rasmi wa uzinduzi wa wiki ya sabasaba anasema watu wengi wanasahau asili yao kutokana na mabadiliko ya kiutandawazi hivyo amepongeza juhudi zinazofanywa na mradi wa fahari yetu Tanzania katika kuendeleza na kuenzi utamaduni kwakudhamini mashindano hayo.

Naye mkurugenzi mradi wa fahari yetu Tanzania Dr.Jan Kuever ameeleza kuwa mradi wa fahari yetu umekuwa ukijihusisha na kukuza,kutangaza na kuendeleza shughuli za kiutamaduni tangu kuanzishwa kwake.

Utafiti Mkoani Njombe

 

Njombe ni moja kati ya mikoa inayopatikana nyanda za juu kusini mwa Tanzania, awali  mkoa wa Njombe  uliungana na Mkaoa wa Iringa na kufahamika kama mkoa mmoja wa Iringa hadi serikali ilipoamua kutenganisha mikoa hii na kila mmoja kujtegemea kisiasa. Kama ilivyo katika mikoa mingine nchini Tanzania mkoa wa njombe ni moja kati ya mkoa wenye makabila kama Wabena, Kinga na wapangwa.

Njombe ni miongoni mwa mikoa iliyobarikiwa kuwa na historia kubwa Tangu kipindi cha ukoloni na umisionary. Kabila la wabena ni miongoni mwa makabila yaliyo husika kwenye vita ya majiji iliyopigwana mwaka  1905-1907, Huku Njombe ikitiumika akama sehemu ya kumaliza vita hivto katika eneo la sawala.

“Wajerumani waliwaalika viongozi wote wa Vita ya Maji na kuwachimbisha shimo kwa lengo la kuamaliza vita hiyo mara ya kwanza waliwapa mavazi baada ya kuchimba, lakinia mara ya  pili mamabo yalikuwa ndivyo sivyo kwani viongozi wa makabila waldhani watapewa nguo tena badala yake waliuliwa kikatili katika eneo hili” anaeleaza Mzee  William  mkazii wa Sawala.

Mradi wa Fahari yetu Tanzania na Makumbusho ya Mkoa Iringa BOMA kwa kushirikiana na makumbusho nyingine zilizopo Ujerumani wapo kwenye tafiti zinazohusisha historia za mbalimbali Tangu kipindi cha ukoloni na ujio wa missionary Afrika, sambamba na kuangalia baadhi ya vitu vilivyo chukuliwa na wageni wa kijerumani ambavyo hadi sasa vipo nchini kwao pasi nakujua vilikuwa na maana gani na matumizi gani.

 

 

 

Kumbukizi ya Mashujaa Walio Pigana Vita ya Majimaji Songea

Mwaka 2023 imetimu miaka  116  tangu kumalizika kwa vita vya majimaji vilivyodumu kuanzia mwaka 1905  hadi 1907 vikihusisha makabila mbalimbali kutoka kusini kwa Tanganyika walioungana chini ya kiongozi wao kinjekitile ngwale  kupinga utawala wa kikoloni wa kijerumani, katika mapigano hayo inakadiriwa Zaidi ya watu alfu 75 mpaka laki tatu walipoteza Maisha kutokana na njaa, magonjwa na unyanyasaji , huku askari kijerumani waliibuka washindi katika uwanja wa mapambano..

Kwa kutambua mchango wa wapambanaji waliopoteza Maisha katika vita hiyo wizara ya utalii Tanzania  kwa kushirikiana na wadau mbalimbali wa utalii nchini waliandaa tamasha maalumu kwaajili ya maonesho ya sehemu mbalimbali nchini na mkoa wa Ruvuma ambapo Mgeni rasmi alikuwa naibu Waziri wa maliasilli na utalii Tanzania Mhe.Marry Masanja Pamoja nakuhudhuriwa na viongozi mbalimbali wa kidini na serikali.

Katika madhimisho hayo Mradi wa fahari yetu Tanzania na makumbusho ya mkoa Iringa Boma tulipata nafasi ya kushiriki katika maadhimisho ya miaka 116 tangu kumalizika kwa vita hiyo , kwa lengo la kujifunzana kudumisha ushirikiano na wadau mbalimbali wa utalii nchini Tanzania..

Ziara ya Mkuregenzi wa Mradi wa fahari yetu Tanzania Jijini Dar es salaam

Mkurugenzi wa fahari yetu Tanzania na Makumbusho ya Mkoa Iringa – Boma Dk. Jan Kuver akiwa kwenye ziara yake Jijini Dar es salaam alitembelea makumbusho ya Taifa ya Tanzania na kukutana na Mkurugenzi wa makumbusho hiyo Dk. Noel Lwoga.

Kuimalisha mahusiano baina ya makumbusho ya Taifa na Makumbusho zilizo chini ya Taasisi binafsi nimoja kati ya vitu walivyokubaliana wakati wa mazungumzo. Hata hivyo Dk. Noel ameeleza ya kuwa wataitumia siku ya Makumbusho Duniani ambayo huu adhimishwa tarehe 18 mwezi Mei kwa lengo la kukutana na wadau pamoja na Viongozi mbalimbali wa Makumbusho ili kubadilishana uzoefu na kujadili mwelekeo wa sekta ya utalii wa Mambo kale.

 

 

Maonesho ya Karibu Kusini 2022

Umepita miaka miwili tangu kuaharishwa kwa tamasha la karibu kusini kutokana na kuwepo kwa janga la Uviko 19 Tanzania na Duniani kwa Ujumla. Mwaka 2022 kumekuwana athari ndogo zinazo sababishwa na Janga la Uviko-19 hivyokupeleka kufanyika kwa Tamasha la Karibu Kusini mkoani Iringa.

Tamasha na maonesho ya karibu kusini yenye lengo la kutangaza utalii uliopo kusini mwa Tanzania limefanyika rasmi kwa siku tano mfululizo Mkoani Iringa katika viwanja wa Kihesa kilolo ambapo maonesho hayo yalifunguliwa rasmi na Mhe.balozi Pindi Chana Waziri wa Maliasili na Utalii Tanzania na kudhuriwa na wa kuu wa mikoa mbalimbali, wakuu wa wilaya, Meya, Viongozi wa kisrikali pamoja na wadau wa Utalii.

Wakati wa uzinduzi rasmi Waziri Pindi Chana amesema kuwa lengo la wiazara ya maliasili na utalii ni kuhakikisha wanapata watalii Milioni Tano na Dollar Millioni mia Tano za Kimarekani kupitia uatalii kusini mwa Tanzania hadi kufikia mwaka 2025.

Madhimisho hayo yalifungwa rasmi siku ya Ijuma na Makamu wa kwanza wa Rais Zanzibari Mhe Othman Masoud Othman ambeye alikubari kuwa balozi wa Utalii kusini mwa Tanzania kwa hiari na kuahidi kutangaza vivutio vinavyopatikana kusini kupitia lango la utalii lililopo Zanzibari.

Maonesho hayo yaliikutanisha mikoa kumi ianayo patikana kusini mwa Tanzania ikiwemo mkoa wa Mtwara,Njombe,Mbeya,Ruvuma,Iringa,Songwe nk.

Mradi wa fahari yetu Tanzania na Makumbusho ya Mkoa Iringa – Boma tulipata nafasi ya kuonesha kazi zetu na kutangaza makumbusho ya mkoa kama ilivyo kawaida ya maonesho mengine asanteni sana kwa mliofika kutebelea banda letu na kufika katika Makumbusho yetu.